八年前，自己仲係個雙失青年，係真係揾唔到全職工作，大都係temp job或者係自己自求有收入既工作，做唔夠三個月就走。大學讀唔成，被人停學。係沙士黎臨的日子，科網股爆破的兩年找ＩＴ相關嘅工作，簡直何只難過駱駝穿過針眼，直頭難過去當選特首。
今日，完成了大學碩士課程(剛出成績，順利畢業)，也找到份其實都幾free嘅工，有個好好嘅女朋友。都算係神係過程中帶領我如何前行，因為知道我所信的是誰，也深信祂能保全我所交付祂的，直到那日。（提後 1:12）呢個係關鍵！同埋係咁多年認識到嘅朋友及家人支持，呢個亦係重要。
不管前路有幾艱巨，但係同一首歌名一樣：路‧一直都在。
(呢篇文係鼓勵富士康深圳廠房工作嘅年輕人，也為人生際遇裏過得不愉快的人打打氣。同行者，不止一個呢。)
小廚你好,
我睇左你好多文章, 覺得你係一個少有的感性 IT 人.
可能係因為你係文科出身, 你懂得表達自己一切的內心想法
同其他IT 人唔同
雖然你俾人一種有少少懷才不遇的感覺, 但你仍然係正面 樂觀咁面對
HK discuss 上面, 十個有九個 IT 人都係極度負面 … 好恐怖
令我覺得, IT 呢個行業係咪真係咁差, 定係, 只不過多數數理能力強的男仔, 都係有一種 ‘ 電車’ 傾向 …
雖然, 我唔係IT 人 , 但我有諗過入行, 因為我知道IT 係好多公司o既必須品. 賺唔賺到錢就唔知, 地位可以有幾好又唔知
因為我朋友, 雖然沒有你 master degree , 但同你類似. 有一份幾好幾穩定的 IT job , 一邊進修, 關於 data base management o既support job.
佢覺得我雖然係 social science associate degree, 有幾年唔相關o既經驗, 但如果轉行去做IT , 只要俾心機, 我都可以做得到. 因為, 我係理科college 底 , social science 文科 asso
不過, 我真係唔知前景, and 唔知進修之路係如何
所以, 我近來我留意左好多, 先留意到你的 hk discuss message
我同你一樣係男人(有gf), 重視愛情, 亦多感情. 我覺得有可能可以做到朋友, 所以留言俾你 …
如果你覺得肉麻, 你可以 DELETE 左個MESSAGE then send email 俾我
如果你唔想見到認識我 而影響到你的social network e.g. facebook , 你可以 send email 俾我
我都只會send email 俾你
如果你工作太忙, 無時間, 你可以遲d 先send email or ignore me 都可以
Anyway, 多謝你的exp. 及 IT view , 鼓勵了我
你要加油
thanks
網友 Chad
Comment by CHAD — 六月 20, 2010 @ 6:20 下午