強記小廚’s 飯堂

十一月 24, 2008

好充實哦!

Filed under: 生活點滴 — - @ 8:34 上午

今個星期是自科技M記離職以來最忙的一星期,首先係因為公司同事出差,我要加緊完成顯示卡的測試及作報告。忽然才想起我未請假及公司規定要放假前一星期通知,又因為我上司可能提早出發,咁就好麻煩啦!幸好,佢依然星期初還係公司,我就速速打印請假紙,急急要佢畫龜。但我都遲咗畀行政部,行政部人員話無得扣假要扣錢,唉!我都唔止係阿沙律及祟基婚宴用左唔只一千幾百蚊(好似總數至少有幾千的…),用多幾百元又有何分别呢?
因為又到學期中,測驗及功課交叉殺到。以為完左測驗,另一科功課又殺到。仲要十八號交貨,跟住另一科又派result,噢!剛合格的…但無時間憂心,要交閱讀報告選項。選擇左一篇叫"洪流多點網絡攻擊及有效防護技術",好似唔易咁……另一份關於破譯凱撒編碼的功課,破譯左了,但未知如何寫份報告,要定好本星期三及之前完成,免得連續幾日唔得閒做而交唔成貨,請問有人為我祈禱嗎?
約舊同事食飯,個衰仔Leo竟然將我做的成果糟蹋了,我要揾下自己的記憶要指導佢要點做,咁係E貓找番有無記錄,好似唔多對路喎,算了!畀佢睇下有無用先囉。離開回家個時,看到時代廣場大電視正在播緊呢部片,正好讓我醒起好似同Rachel話呢部片好睇,咁就問下先……都係過左23號測驗完後再算,反正佢又忙緊有野做。
今日亦開完左婚禮安排的第一個亦是最後一個的會議,大部份BoBo及小廚要知要做都大概知道,因為要消除新郎及新娘當日所有要用腦諗的事情,問佢地需要的事都會轉嫁落BoBo同小廚啦,咁整體流程會由各負責單位負責,因此我地要問清楚負責的人事,咁就兩位準新人滿腦子幸福裏,也不用多了疑累。但因為伴郎及伴娘會全日應付事情,甚麼玩伴娘伴郎的提議,可免則免了!我也籍此觀察各人的工夫,看看我日後結婚的話,有無可用人材幫手嘛。

廣告

十一月 18, 2008

工廠男工,亦係産品

Filed under: 職業教育 — - @ 1:39 上午

金融海嘯,令好多人無端端失去金錢。最可悲的,老闆蝕左錢,公司倒閉,員工卻無可奈何的要失業。到底要繼續到幾時?真的無人知。求主憐憫世人!雖然自己份工不錯,但都驚會唔會無端端發生事架?!當然自己畀心機做好份工,也努力進修。
其實大學好著重人才培訓,特別創意方面。最近小廚借左本叫"創意工廠MIT"嘅書,係作者講佢讀MIT(麻省理工學院)嘅經歴。佢係過程裏,既要應付繁重功課,亦要找錢做研究、交學費。間唔中應付教授額外事情。真係精彩絕倫,亦令人覺得讀大學,不會像以前睇戲咁,又可走堂補習揾錢,亦可追校花。(畢華流騙人!)當然,MIT亦因為咁嚴謹要求,令佢得到"世界理工大學之最",人材濟濟,學術地位極高。
亦因為嚴格,好多人受唔住,因此自殺。這是常有所聞,以前係澳洲讀大學,好多內地生都抱著破釜沉舟嘅決心。一遇不如意,就會鬰鬰不歡。我亦有聽過有人疲勞得死於浴室,只因小廚間大學亦好嚴格,有澳洲嘅麻省理工之稱。當我做唔惦嘅事候,我就會瞓,只為逃避。真差勁:p 但現在回望,令小廚看到學習不是重結果,係過程裏令自己有更多創意、更多知識。就算係順境逆境中,都可籍此安然渡過。即使衰咗……也像書中一句:『爬聖母峰,結果因暴風雪而沒有登頂,實在不用覺得羞恥。』在一流的學校學習,有勇氣接受考驗就得不錯了。可能對我黎講只係自我感覺良好,但令我亦明白自己有更多空間,從新出發。
現在係紅磗大學讀書,真係好似係工廠上課。但這是培訓創意嘅工廠,不斷加強自己創造力、知識及實作能力。好使自己係日新月異嘅科技知識,創造更多有用嘅技術。當然,日間我是男工,夜晚就變左產品。哈哈~
今個月係阿傑、阿Li同Alle嘅"出廠到期"日,希望佢地唔止係一流産品、亦係神的更合用器皿,為主所用,願主賜恩給你們。
p.s. 要應付工作、要注意大學學分外,但都唔能夠看輕感情學分嘅。唔知阿邊個講過我亦被留意當中,當然自己要主動啲。收到別人關心,令小廚明白乜野叫受寵若驚,唔唔…(傻笑中)

十一月 17, 2008

開始混亂

Filed under: 職業教育, 校園體驗 — - @ 4:58 上午

呢個禮拜開始上課嘞,但都面對兩大難題!第一課就對位要求好高嘅教授,因為呢科係同數位信號有關,要用幾多數學去到研究。但小廚底子差,未必應付得黎,加上教授要求我地學生唔好太遲返到,否則聽少好多會追唔上。但佢講課唔錯,好多時用心機講明套理論。雖然多功課及測驗,但咁樣可以多些揾到自己唔識地方,從而改善。
另一課就係學模式分類,其實係學人工智能中嘅物件辨析。之前險些死在之前課中,現在雖然有些認識,但今次的教授講課一般,佢又係訪問學者,根本不雖理會我們生死與否。係呢兩課中,我想左(或掙扎左)好耐,先至決定踢走後者科目。
但另一個問題,係選多科目,但其他主科一係無開,一係又無興趣。因此我決定修讀副修科目代替,雖然打斷左我個計劃,但點都好過一個學期讀一科吖!我就選左資訊糸統入門,哈哈~騙學分得黎,又去識女仔。但今次又欠一堂無上,唉~
************************************************************************************************************

今日係堂慶,但唔知點解,好似少左些熱鬧氣氛。但都係值得慶祝的,特別係教會網站啟動禮,都係幾高興,只因我有機會加入教會IT小組。與有榮焉!
然後,係我地小組聚會。今次都算幾人齊,如果次次小組開組都咁齊人,下年就會被分開兩組了。
之後,我就去左圖書館睇書。找到臺灣"天下雜誌"出版嘅<<競爭實力>>,呢本書係介紹臺灣的大學如何係人才培訓以及點樣跟世界各大專爭奪人材。佢係講到香港個部份,原來我地大學生的金頜資助係中港臺之冠。亞洲區香港大學只比東京大學少左。其實我地成日以為香港嘅大學不及其他國家好,通街大學生,原來本地大專生(大學畢業生+副學位+文憑畢業生)只有百零萬人口,但臺灣卻有44%人口是大專學歷。作者認為香港的大學嘅普及教育化,比較臺灣還是精英制。
難怪政府要輸入外地專才啦!不過,香港人無臺灣人咁祟尚文憑,否則,我就真係學無止境了。

在WordPress.com寫網誌.