強記小廚’s 飯堂

三月 22, 2009

工程何需用?(下)

Filed under: 職業教育 — - @ 2:22 下午

其實,係呢個香港就業市場因金融海嘯而雪上加霜。但係好多大公司都炒IT部門,相反中小企依然用低資金去請科技專才。咁以小廚嘅角度黎睇,除左從事極高層次嘅專門技術行業外,IT只係好低門檻嘅工序才有得做下。中層嘅軟體開發、糸統管理、以至項目管理,係呢個講求現買現賣既香港市場,差唔多絕種咁架啦。
但因香港背後嘅基建糸統仍然要依靠有能力既工程人才,以老闆抱著"馬兒好、又要馬兒不吃草"的心態請人。只好請啲人工平但能力一般嘅人,但尖子大多入iBank嘅情況下,讀工程又從事工程既人才更少之又少。其實直接地嚴重影響社會企業日常運作的。從電視睇到好多資訊科技及工程意外發生開始增加,我諗黎緊將會出現危及人類性命的情況不遠焉!
為左未來既生命安全,請有志及有能之士多多重視科技及工程。好似曾財爺今年嘅財政預算案的廣告文宣咁講,「今日的決定,改變我們的明日」。

廣告

三月 8, 2009

工程何需用?(中)

Filed under: 職業教育 — - @ 2:35 下午

首先,用番IT(資訊科技)為例,為左方便,以下係引用前數碼港統籌專員馮程淑儀女士係2003年的專訪:
(以無線電通訊應用開發中心為例,香港在這個領域有很大的發展空間,香港人的手機擁有量是全世界前三位,大概700萬人中有630多萬擁有手機。香港如此龐大的通信用戶及香港人熱衷於流行新穎的產品,我們相信將來的3G市場潛力很大。但問題是香港沒有相對應的軟體系統來配合3G的發展,例如手機多媒體短信和遊戲等等。我們需要行業本身開發適用於3G的應用軟體。香港6家流動通訊網路營運公司,他們現行的做法是各自找相熟的軟體開發商合作,來研製適合自身網路的應用軟體,但這種合作通常有許多限制如軟體開發商不得與其他網路運營公司提供類似產品等,而且它的壟斷性遏制了其他小型軟體開發公司的發展。事實上,香港有好多中小型的軟體開發公司都在研究開發3G應用軟體,但卻苦於沒有一個測試平臺能夠檢驗自己研製的產品。)
係流動電話可以普及至每人一部嘅時候,其實每個人已經像魚活係水裏面一樣,IT亦滲透入所有人的生活裏面了。由社會層面去到個人層面、由各行各業的應用層面以至學術方面,都係廣泛而各有所專。好多人話IT人乜、IT人物,但深淺度唔同,只可以話殊途同歸。咁即係話,人類嘅生活已經唔能夠同科技工程分開嘞!因此,本地工程師是有發展空間,只不過肯用心工作及自我增值,畢竟請工程師嘅公司都要用公司好重資本去請人,並不是易事。
即使外判,好多情況都會出現比用錢請本地人更高成本。遠嘅有匯豐嘅印度IT外判公司有管理困難並回流香港,近嘅有小廚老友係某大航空公司任職阿ger級,佢地將某項目外判畀印度公司,個印度人Agent拍哂心口話搞掂,點知過咗死線成個月都未完成,佢都只好無奈。另外,科技M記嘅副總(即小廚前上司)的朋友係本地銀行在大陸監控程式員的工作,工作其實只係大鬧下屬。因為佢地寫得太差,用唔到的。可見外判都唔可以完全解决成本問題,反而間接性成本増加。
既然香港的四大經濟支柱範疇—銀行金融、物流運輸、旅遊娛樂、和國際貿易以至到個人應用和玩樂都需要工程科技,咁點解香港嘅工程師待遇偏低?要點至可以突破呢個困境?下回再續

三月 1, 2009

工程何需用?(上)

Filed under: 職業教育 — - @ 3:13 下午

生活係香港,大家都以金融服務、零售旅遊為經濟之實體。除左賴以生活嘅教書佬同埋業界從業員(包括做資訊科技公司老闆)先至不斷講建造及工程嘅行業有好大發展空間。其實真係會從事工程行業,有啲自虐狂就真。
小廚因自小愛打機而對遊戲設計有興趣,再因此明白電腦科技的重要而向此進修。但考大學電腦糸嘅時候(1999-2000),正正係最難又最高分數嘅一年,仲要考名校,真係辛苦得要命。入咗才是苦難嘅開始,既要學程式,又要修數學,再加一大堆工程學理論。對中學讀文科嘅小廚真的死光所有腦細胞才能畢業。
出黎做野,其實有多軟件工程項目係應該用書本上的知識去做會少啲問題同埋減低風險。可惜香港做野要平靚正,自己做阿GER都要學咗上司嘅做法,即係資源管理。攪到乜都得過快而無糸統。於是做老闆就認為無需要工程師而揾讀(未必懂)工商管理嘅人去做項目經理,咁工程師嘅小廚變咗技術人員而永無實踐理論嘅機會。
小廚記得零六年嘅光讖電纜因地震(恆春地震)而停止運作,全東亞區都因此而斷絕同世界聯絡,其中不斷被人批評點解工程人員遲遲唔解決問題。我其實當時也為此煩緊係某地區的流動內容項目,亦都被呢個海底電纜中斷而受苦。心裡大致諗到一些解決方法,但竟然無乜ISP公司去做而只係等電纜營運商維修工作完成。大哥呀,我被人罵緊要趕進度,公司糸統管理員又唔整轉Proxy,ISP又唔鬼轉用或租用其他電纜。跟住成大班資訊工程從業員就日日被罵,真係無辦法。
工程師是要具備大量知識同實作經驗嘅大學工程糸畢業生,但辛苦程度同回報不成比例遠超走去讀工管嘅畢業生,又怎不會令人卻步?!加上工程做好事無人讚,做錯野狂被人罵,除左同自己過唔去,真係解釋唔到點解仲有人去選讀工程科目。
但係工程係咪無用呢?香港唔需要工程師嗎?下回再續

在WordPress.com寫網誌.