強記小廚’s 飯堂

五月 31, 2009

自由有時未必最重要

Filed under: 職業教育, 校園體驗 — - @ 10:41 下午

理大找到唐偉章接任潘宗光做新一任校長。真係唔到你唔信,小廚以前留學,又係剛好遇上校長交替。新官上場,除左講下佢高興被邀請出任新職外,也會講下遠景。但敝母校校長最後留給大學的,只有一大笑柄而已。

Rory Hume由零二年頭就接替John Niland 為大學校長,由大學董事會至到大學同學會,都相信佢會將係美國的教學風格(佢之前任職美國UCLA牙科學院院長),為大學注入新元素,繼續秉承大學破舊立新的傳統。但佢係處理Bruce Hall事件中,站在一個注定失敗的立場,令佢失望離場。

2001年,Bruce Hall教授被指在醫學研究上造假,受到其實驗室四位職員及博士生的舉報。UNSW的內部調查否認了全部指控,但由澳洲最高法院前首席法官和牛津大學、悉尼大學、澳洲國立大學等權威人士組成的外部調查團卻證實了12項造假的指控。

2003年12月聖誕節前夕,當時校長Rory Hume親自出面保護Bruce Hall,為學術醜聞辯解。校內則出現了強烈反對的聲音,認為此事讓學校的研究聲譽嚴重受損。為左繼續支持Bruce Hall的研究是正確,竟向外間聲稱當時國內的諾貝爾獎得獎者Peter Doherty都認同Bruce Hall的研究。但係翌日,Peter Doherty接受ABC電台的訪問,否認向Rory Hume講過此言論,並且要求佢向大眾交代。跟住大班學生老師示威表達對校長的不滿,董事局也不停向佢施壓,2004年4月,Rory Hume無法頂住校內的反對呼聲,以無法再與校內議會合作為理由而辭職。Rory Hume下臺後校內議會確認了外部調查團的報告。

當一些學界敗類係假借學術自由的黃金盾牌來做一些自利的事情,身為一校之長,不是給予放任,而是分析後作決定。因為要把持的,是比學術自由更大的學術聲譽。

唐偉章博士曾經係喬治華盛頓大學任工程學院院長的時候,將一名工作表現差勁的學者辭退。顯示出重視學術聲譽的比學術自由更多,這辦事態度,以佢接任此職位,合格!

廣告

上帝的策略管理

Filed under: 信仰心得 — - @ 10:31 下午

當日子不太難過的時候,你總會覺得時間過得很快,感覺上新生訓練還只是昨天的事,一轉眼,卻馬上到了要為論文傷腦筋的時刻。

在策略管理學界地位有如泰山北斗的W博士總是笑著一張臉,每學期總是有一堆人搶破頭請他來指導論文,我抱著買樂透彩的心裡,想請他來擔任我的論文指導老師。

W博士沒有說好也沒有說不好,笑著一張臉拍拍我的肩膀之後走開,不帶走一片雲彩。

日有所思,夜有所夢,等待W博士回音的那幾天,我作了一個夢。

「那你的論文題目是什麼?」夢境中,W博士站在商學院的大門口台階上居高臨下的這樣問我,由於逆光的緣故,我的眼前一團黑影,感覺上好像在和上帝對話。

「上帝的策略管理」我很努力的一個字一個字的把題目說清楚,我認為,最偉大的管理者不是傑克威爾許,也不是比爾蓋茲,更不是小布希,而是上帝,在廣大信徒的心目中,他管理了這世界,也管理了全世界這幾位最偉大的經營者。

聽到我這樣的論文題目,W博士仍然是笑著一張臉,沒有說好也沒有說不好。

等不到他的答案,我竟已從夢境中醒來。

是的,儘管同學都覺得我在開玩笑,但是我卻真的想作這樣的論文題目,我甚至為了想說服W博士,還特別在雜誌上寫了一篇短篇小說:「寫封e_mail給上帝」,說明我對這個題目的研究動機與緣由。

終於,我等到了W博士召開論文會議的電話,在討論論文的時候我也真的向他提出了這個題目,還特別呈上我寫的那篇小說。他看著我,仍然是笑著一張臉,並且問我打算怎麼進行這個研究,我於是也把自己的研究構想作了報告。

我的研究假設是,讓一個公司建構起如宗教般的企業文化,從上到下都能以道德來自律,這是最棒也最難的經營策略。像國外的安隆和國內的博達,都是在公司管理者視道德為無物下才出了大亂子的,而台灣也有不少成功的企業家很強調自己的宗教信仰,這些老闆一直認為公司的最高管理者是上帝。

W博士聽完我的說明之後,一樣笑著鼓勵我開始著手進行研究。我大為振奮,於是開始找資料,並積極連絡這些企業家們作個案訪談。

但是事情進行得並不如預期中順利,我所連絡的幾個具有虔誠宗教信仰的大老闆都沒有回音,時間一天天過去,我想,或許該換個題目了。

正當我準備向W博士報告想換個題目的時候,手機響了,一個輕柔的女聲在電話那頭響起。這位女生告訴我,她剛回台灣不久,在英國拿到了財務、企管和電腦三個碩士,其中一個碩士的論文題目正是「上帝的知識管理」。她堅信,這些學位都是上帝對她的協助與恩賜。

她說,幾天前,她看到我的小說,覺得我可能是需要她幫助的人。

多奇妙啊,這篇小說竟然成了我向上帝的求助信,喚來這位天使的協助。我和她很快的碰了面,她也很熱心的提供了我她的研究經驗,並且給了我許多寶貴的建議,說再見之前,她還幫我向上帝作了一番禱告,希望我的論文研究能順利完成。

每次想起這一番的際遇,我的內心總會湧起一陣感動與感謝,即使後來那幾位有著虔誠信仰的企業家始終沒和我連絡,而我也在取得W博士的諒解後更換了論文題目。但是這段故事,卻已經落在腦海與心中,成為EMBA生活中最深刻而溫暖的記憶之一。

http://blog.yam.com/vinwu/trackback/6310777

五月 24, 2009

創出未來

Filed under: 生活點滴 — - @ 9:44 下午

雖然話學人攪創業,硬件方面就有了。不論伺服器、紅帽OS同DATA Centre都準備好了;人才方面,有設計師、程序員、系統分析師同埋項目管理人都有。但只有一樣野就缺欠中,就係星爺係"少林足球"中所講既一團火!
不久以前,阿壯係讀中學時就熱衷打機,當其他死仔迷緊點升呢、打爆機既時候,阿壯已經研究隻遊戲點寫,甚至用當時既蘋果電腦二號寫遊戲程式,仲寄去電腦雜誌添。某電腦遊戲雜誌出左過遊戲比賽,佢用特別既申請信去報名,信中只寫:When I win this month’s contest, instead of a $500 prize, could i just take the $500?" 下款寫:John Romero, Ace Programmer, Contest Winner, Future Rich Person",之後佢真係攞左個獎。然後入左間電腦遊戲雜誌並開始寫遊戲,然後認識左另一個阿壯。寫左隻改變全世界遊戲玩家對遊戲有更高層次嘅遊戲,"DOOM",達到左Romero早年大志向。
有時只要專注去煲果團火,不論做乜野,仲有成功既一次。但我地仲未開得著過火,怎辦?

五月 17, 2009

分拆才技

Filed under: 生活點滴, 信仰心得 — - @ 9:57 下午

大教授張五常是前港大金融及經濟學院的創院院長,好多認識佢嘅人,都認為佢係怪人一名。因為佢好多時都係得罪人多,稱呼人少,對知識追求好火熱。佢係佢嘅著作裏都話佢係芝加哥大學教書時,一樣認識好多好似佢一樣嘅人,而且仲係天才橫溢。我曾經跟他有一面之緣,也請教過佢關於如何兩難中作抉擇,佢就叫我未試過咪去試下囉。其實係鼓勵我要挑戰難度,先能夠不斷突破自己。
不論生活裏面、學業裏面、工作裏面、定抑或教會裏面,好多時都有無形框框係到阻住哂,可能我地這些受左九年免費教育嘅關係,我地被訓練成人辦,或者係專業人才。但好多時,有獨立思考、有創造力嘅通才,先至係對企業、甚至對社會以至國家,所要得到嘅人才。
可能自己係社會裏打滾左好幾年,好多時都不自覺怕太多改變。可能因為習慣左現有生活模式嘅安全區域,唔想太突出,被人話騎呢。於是變得越黎越平靜、越黎越唔多表達自己。聽得別人的意見多,反而無左自己嘅主見。生活越黎越框架左自己,連每日做乜都要有紋路,早上要食老麥、午餐要吃美心、晚餐七點正要回家吃飯。如果有乜轉變左,就會無端端心慌意亂,好坐立不安咁。
**************************************************************************************************************
原來,係唔駛返學嘅日子,真係可以咁無所事事。每日唔係返工等收工,就係在家食飯睇書等眼瞓。都幾無聊……其實有時太頂唔順咁閑,都會出去飲野,但第二日要上班又唔可以夜瞓。都幾無癮……雖然週六都有聚會,但係好似呢排少左,感覺大家都唔多溝通,少左好close嘅交談。不過可能或者只係小廚的感覺吧……
*************************************************************************************************************
睇左傳媒人張寶華嘅"走看東西",係講佢由傳媒工作走到去牛津讀大學,係佢認識嘅同學裏面,看到不同文化,睇到唔同嘅價值觀。令佢看到更加闊嘅知識層面,及更加高嘅精神理想的智慧。其實自己也曾經見識過,但可能係呢淌渾水打滾久了,人的個性也會被改變。可能有人會講話生活係咁架啦,現實啲好,或者話好多人咁做,你係唔應該咁樣云云。嘿!難怪主耶穌話只有小孩子先能上天堂。
繼續讀書,可不單只培訓自己成為專業人才,也想令自己真係可以懂得思考,懂發問,懂表達自己及懂得尊重不同價值觀嘅人。如果讀極都只係懂得講些自以為是及不懂尊重人嘅說話,真係只係畀錢買張證書了。

五月 10, 2009

IT人係唔需要被管嘅

Filed under: 職業教育 — - @ 11:17 下午

最近終於搞掂咗個考試,可以全心全意去睇自己想睇既書同埋做自己想做既野。其中一本由臺灣IT人作家分享佢係資訊業工作既事,都幾觸動我心。西方資訊業同亞洲人(特別係華人)既資訊業工作者相似之處,就係因投資者壓力下,都有趕死線既情況。但唔同既係,西方人好看重方法論黎解決軟硬體開發及糸統管理來提昇效率。但另一面,華人資訊業工作者就無去考究方法論,只管應付得今次,下次又係咁解決。其實又有幾多IT人真係頂得順無休止既重建糸統再測試咁做丫?!
其中書中一個topic叫甘苦談,作者讓其他工程人員分享佢地工作既苦與樂。但搞笑嘅係,吹水既人都吐苦居多,其中又大多人係申訴人為同資源既不滿。技術問題卻無乜!可見好多人以為技術係難題既,其實不然。人事複雜同資源不公先至問題核心……係香港做資訊業,咪係一樣。
客戶不斷要求修改、無糸統建立需時觀念、勉強被逼整合兩個唔相關既糸統、無時間去做文件撰寫同埋壓力測試不足等,全部都會係技術人所面對既難題。尤其好多做技術公司高層或老闆都未必係技術出身,佢地又唔識軟體工程呢類方法論,只懂根據公司資源及過去處事經驗去做,仲要技術層既下屬跟佢意思做。真係拿屎上身,只管自嘆際遇唔好同前世做咗壞事今世報。
不過,應付問題係要高EQ、敢於創新、絕不怕轉變。IT人從入門開始都應該好好學習呢啲野,先至能夠係資訊業立足。但願本地從業員真係可以撑落去,唔好令香港繼續係科技上落後於人喇。

五月 1, 2009

H1N1流感登陸

Filed under: 生活點滴 — - @ 11:42 下午

此時此刻,又令小廚回想起SARS時人人自危的境況。雖知道當時對疾病認知不足,以至不幸中招者,數目眾多。但今天為止,衛生署已經以快速既效率,善用各方資訊去應對H1N1。真係值得一讚!
今次病毒所危害的,大都係二十歲至四十歲壯年。其實箇中原因,以小廚有限度的知識也不太暸解,大概話係免疫系統要消滅強大病毒時,因為敵人過勁以至免疫系統發揮近乎自毀的功能令病毒殺死。年輕人强壯就更加強免疫系統的功能,咁頂唔順既機率就更大。令小廚諗起經典西片The Matrix既電腦咁,電腦都可能制止不了Agent Smith,要揾奇洛李維斯咁嘅特敏福先至搞得掂。
除左做好個人衛生,咁就要保持身體有免疫力。例如大量既蔬果及有營養既食物,以保持健康。當然,有感冒情況,就要立即去睇醫生啦。
唉,都唔知點解,逢經濟差又加上失業率高,大型流感就隨之而來。究竟係咪好似以前啲人所講越窮越見鬼,定係在位者做咗啲天怒人怨既野而遭此大禍呢……

在 WordPress.com 建立免費網站或網誌.