強記小廚’s 飯堂

六月 28, 2009

一念之間

Filed under: 生活點滴, 信仰心得 — - @ 11:08 下午

今個星期出咗成績,得到兩個C+。可能上個學期簡咗兩科都幾難既,因此只係得到咁既成績。
有時都會諗,點解讀大學本科既時候,點讀都肥?!但係讀碩士課程,又要番工番學,都可以合格,都咪話唔驚!以基督徒既身份,應該有感恩的心,但係小廚成日感到不安,真怕大學查番小廚大學成績而重新評估我既入學資格。
雖然小廚係電腦科學系畢業,但自問對程式編寫真係無乜興趣。我上司突然黎問我要唔要幫手用C/C++寫tools,諗起事旦個兩個程式語言都好鬼煩(C lang唔係object oriented而C++用pointer太唔方便),要個放低咁多年無揼code既小廚整個tools出黎,簡直想死。
其實一路走來,都好懷疑自己係咪適合走電腦技術方面既職業。因為自己中學時係文科人,數學又差。鍾意煮野食多過砌機,望住啲code會頭痛。加上自己對係香港發展創新科技産業既目標有保留,懷疑我曾被停學是否上天知道呢行不易為。依然係呢行,只因曾經滄海難為水,也可能是天父有野要我留係到?!自己騙自己算吧。
畢竟,我依然希望成為有實力既工程師,開發新技術,並且出份paper,咁我都其實心滿意足囉。

六月 14, 2009

ITvs會計?!

Filed under: 職業教育 — - @ 10:49 下午

睇咗FORUM既爭論,其實真係個求職市場,會計好似十年前既IT。唔同既係,會計無概念股上市公司出現。
其實兩者就算市場大有所求,畢業生都係要由低做起,無話一入行就年薪百萬。小廚仲記得十年前剛文憑畢業,就有老友急求技術型員工,已經向我招手,但因有間大學收咗我,仲係心儀已久既名牌學府。先至推左老友邀請,點知要等到零六年先至又有咁既情況出現。
係論壇裏面都有唔少有識之士都向樓主進言,選科要以興趣為主。但興趣之下,我會考慮自身能力係咪應付得到。如果唔去瞭解科目讀乜就人讀我又讀,真係會浪費金錢同青春架!正如小廚曾經講過,IT都係工程科目之一,可以好多數要計同邏輯性思考,無乜科學系統訓練真係好惡頂架。會計就不斷要做同小心細節,否則可能重頭做起。
出到社會,我都承認香港傾向金融商業,令會計成為灸手可熱的行業。但畢竟呢行太多人做,我識既人中,由叻到上三大畢業入Big4至中五有LCCI做會計文員都有。但做既野基本都係一樣,就係不停做數。但做IT人既朋友,唔係去左做管理方面,就係離職轉業,得番一兩個仲做緊技術層面既工作。小廚亦諗住希望出年畢業入大學做助教兼創業….可能因此而市場將因人手缺乏再令呢行再火熱起黎,真係無人會知道。
都奉勸求學或求職既畢業生一句,人生既道路唔係必然,就算一時行錯,未必影響一生。但有時以為行啱條路,都可以遺憾終生。花多些準備去瞭解自己同想做甚麼,咁就等機會黎到就有準備捉住佢啦。
p.s. 當夜晚落雨,過去既回憶就會向我襲擊而來。

在WordPress.com寫網誌.