強記小廚’s 飯堂

十一月 29, 2009

軟體開發專案是一個「焦油坑」

Filed under: 技術分享 — - @ 10:56 下午

《人月神話》的作者 Frederick Brooks將軟體開發工作,比喻成史前時代的「焦油坑」,許多很大、很厲害的猛獸都陷在裡頭,劇烈翻滾,奮力想掙脫,但越掙扎,就纏的越緊,最後都難逃滅頂的命運。這樣駭人的譬喻,在文明社會裡,或許不至如此,然而,當中所傳達的意像實在非常貼切,令人深省。看看你所處的專案,在預算、時程以及品質的壓力下,一群不快樂的人—專案經理、程式設計師(研發、製程工程師等)、測試人員(生管、品管工程師等),甚至任何專案利害關係人(如業主、高階管理階層等,當然還包括你的另一半),面對超時的工作、延誤的交期、面紅耳赤的上司、客戶、以及很久沒陪他們去旅行的老婆、小孩,難道不也是陷在某一種「焦油坑」中嗎?
經驗是最好的導師,然而它太昂貴。幸而,知識的分享是人類歷史進步的最佳動力。就像西元前四世紀,在埃及的一座年輕城市亞歷山大,出現人類史上第一座公共圖書館一樣,透過一點一滴專案過程中,你所要「做」的事(而不是你所要「知道」的事),並願意將這些經驗分享給所有的人。誠如《人月神話》中所提:對航海的人來說,擱淺的船隻就是燈塔。專案管理真的是知易行難,總淪為空談嗎?除非以實務的角度切入,藉助成功者的經驗,將專案管理的手法,內化在每個專案成員(甚至所有專案利害關係人)的日常工作中,才能在「焦油坑」上舖設一條道路,讓專案不再重蹈覆轍。

十一月 22, 2009

以有涯隨無涯,笨矣。

Filed under: 技術分享, 校園體驗 — - @ 11:21 下午

小廚從前係大學讀書嘅時候,對大學教授既工作甚為羨慕。因為佢地大學教下書,可以選擇自己要教嘅時段。做研究,有人畀錢做自己想做既科研,又可以無時無刻諗野。加上有地位同埋人工好高,所以係我之前既志願。可惜,進入學術界要具有撰寫論文既能力。由其是去到博士級既論文,要發掘出創新理論或新現象,更顯呢行飯都唔易食。
第一個麻煩嘅係揾題目。知識的海洋浩瀚無邊,如何找到自己歸宿,其實都離不開“興趣”兩個字。有位化學家也因為被一位留學生所推介,開始接觸漢學,之後更完成好幾本講有關中國數千年既科技文明。佢就係李約瑟——中國文明科學史。咁樣就造就了漢學家之人才了。做個學術的研究,成果都是以文字作為傳遞的媒介。無呢個傳統表達的形式,正係學者,同埋我地呢啲無乜學歷既人物要得到大學畢業文憑,也必須係用文字發揮自己研究成果的。
所以文字上的操練也是必須的,有題材而不能好好寫文章,亦不能畀讀者明白你講乜。咁就大件事了,所以文章點寫就睇有無人ban咗你,ban 你就唔好做嘢!?
大學教授的確係好工一份,但無錢再讀上去,自己一個人努力有限。希望有時間去鑽研咁既工作吧。

十一月 15, 2009

何謂電子商貿?

Filed under: 技術分享 — - @ 11:58 下午

當依家好多人忘記咗科網泡沫爆破而講金融海嘯,又有人講依家為咗増加營利,需要用科技改善自身公司運作,電子商貿(E-Commerce)係大勢所趨云云。
其實早係十年前已經話有公司做E-Commerce based service,IBM係其中之能手。Amazon.com 同埋Dell Inc. 更加成為各高等學府MBA嘅case study,講到呢樣野係為企業起死回生既利器。
但依小廚所見,只係同門市、電視、電話同黃頁一樣,係屬於一條管道(channel)。不論個網頁有幾靚,多媒體技術有幾好,如果賣既産品唔吸引又或者去唔到目標客戶嘅眼睛,一樣無意思。呢樣只係個概念,好多都係吹呢個技術會為原本生意提供新既商業模式,但睇黎睇去都係個兩間公司真係叫掂,本地既公司好似無成功例子。
可見得,介紹《中小企IT致用天書》嘅人兄只係知道呢樣野,但無心去瞭解清楚究竟係乜嘢一回事?!希望小廚也多講呢樣嘢,等人知道究竟呢樣嘢可以發揮到乜嘢地步。

十一月 8, 2009

時光遠去

Filed under: 生活點滴, 技術分享 — - @ 11:55 下午

今年小廚參加了三個不同類型但都同IT有關的研討會,首先係WordCamp,得見大名鼎鼎的創辦人同埋認識用Wordpress寫Blog既人物。技術含金量不多,只係交流下為部落格既樂趣,都算有趣;第二個係去BarCamp2009 HK,唔同在於無特定講員/講題,任何人都可即日上台講你想講既野,好得意,多咗些技術性題目,有啲好普通題目,合不同人仕參與;第三個有被請去嘅,係微軟既Tech‧Day 2009 HK,有特定講員,又有好多人sale野,微軟自然藉此再狂sale Windows 7/ Windows server 2008 R2及Windows Mobile 6.5喇。其實幾日中我只去一日,也獲益良多,我拿了一大包記念品,又唔駛畀錢入場,都算賺到好多了。
只係去完之後,有啲感受,不吐不快。出席頭兩個研討會,都係十八二十幾歲既小伙子,有熱情,有技術。但無乜經驗,又無乜人脈。但出席這類活動,除左讓人知道有閣下存在,真係無乜幫助。去M$既研討會,好多做咗好多年嘅IT從業員,大都不是主管,也是資深工程人員。佢地係就係聽最新既技術研討會,但好似條隔夜油炸鬼咁,成碌木咁!同人無乜交流,最特別既係,佢地會一大班聽用廣東話講既題目,相對其他talk無咁爆。
好明顯,去M$研討會既都係早一輩既IT專才,佢地大都經歷過科網泡沫既時代。早已從幾年前就失去了追夢既動力了。即使擁有再強的技術能力,也找不到對新技術嘅熱情。
有時心諗,如果兩者可以平衡一下,咁年輕一輩多機會發揮,年長嘅資深技術人能被激發起以前的熱情,香港嘅IT業界會好轉得多。不過因為科網泡沫既遺毒太深,要重回七、八十年代,好多電腦玩家係會去到黄金商場或高登商場買最新電腦零件,兼順便交流自己既心得。應該機會不多,頂多係討論區吹水就有!
今日睇到《招職》有IT從業員問轉行嘅問題,尤甚要去到有人問星座運程,可見好多從業員開始感到迷茫。是否繼續做下去?我認為,問得出咁既問題,應該是不應做下去。因為再係用十年前既思維去諗自己在IT業既前路,不如早啲放棄,無謂阻人上位去。

在WordPress.com寫網誌.