其實點解搞創業？

好多大學畢咗業，有啲人都打個一兩年工嘅，佢地都會好快諗下搞創業。當然最理想有大客係手，否則會俾人覺得似係做自由工作者咁！咁又點算創業呢？
唔係喎，我地有合作伙伴，我地會分工同埋一齊揾客個喎。可惜，班友正契弟，好野唔揾你，科水就急CAＬＬ你。咁做拍擋又有乜意思？
係一本叫《新世代科技冒險家》裏，好多係矽谷工作嘅華人同埋印度人，都係高學歷又有技術專業，但因種族或語言上的難處，他們大多只跟同族既一起。佢地就靠呢個關係，建立不同社群，並且利用呢方面，係矽谷創業。仲將係美國所得的技術、資金、人才和經歷，帶返去母國，如台灣、印度及以色列。間接造就咗呢啲國家係資訊科技界有驕人成就！
比較少呢類人才回流，而且好多都會入本地大學任教職。但都有啲回流技術專才搞科研，包括小廚前老闆都係呢類人物。所以小廚都希望搞到間公司又同前老闆一樣，仲係科技園就最好喇！
可能有人似特首咁話，中國內地機會處處都有。可惜全世界精英內地人才更加清楚，要係内地掘金，個人及團體才幹，不是小香島嘅政府高官們的能力所能達到。
咁小廚要係內地搞生意是否能成事嗎？

香港真不賴～

睇咗本叫“亞洲電腦爭霸戰”一書，裏面有分析日本及亞洲四小龍的高科技産業報告。其實資料係九十年代的，內容太舊，真係好多野唔夠更新。
但係有樣資料到依家都可能啱嘅，就係香港要依賴大陸珠三角嘅地緣結合同埋高密度低價錢的通訊基建。呢啲都係香港相對新加坡、台灣、南韓及其他東南亞諸國，缺乏本地生産但有強大內地窗口的。是走不出另一條路。
或者，小廚認為香港可以走其他國家較弱的路線－軟件開發基地。特別係手提電話軟件，因為香港通訊快捷而便宜。加上內地軟件不能同世界連接，本港國際化可盡展所長。另外，香港流動網絡能觸及外國市場，好似和記、薯麥通、CSL及中移People，佢地嘅海內外建設同支持實為幫助本地中小企發展內容供應商進入海外市場。因此，這行絕對係香港唯一可會有機會建立IT産業的踏腳石。
風險是有的，如零六年既恆春地震，全部都因海底電纜都“斷纜”而停慢半拍。但流動網絡卻無此問題影響。我相信係用流動通訊上萬維網，比用電腦少咗個風險。希望有公司帶領本地科技産業走出一片天吧。

p.s.講到地震，真希望海地人民能渡過此危關，求主能看顧他們啦！

改變，你敢嗎？

原來，係唔駛返學嘅日子，真係可以咁無所事事。每日唔係返工等收工，就係在家食飯睇書等眼瞓。都幾無聊……其實有時太頂唔順咁閑，都會出去飲野，但第二日要上班又唔可以夜瞓。都幾無癮……雖然週六都有聚會，但係好似呢排少左，感覺大家都唔多溝通，少左好close嘅交談。不過可能或者只係小廚的感覺吧……
最近小廚都諗緊又反省緊自己想點，不過都無答案…阿媽又辭工同要時間覆診，爸爸又有皮膚病，勸佢睇醫生又唔聽。新聞話通脹高左，我又用錢方面多左，令我諗起前幾年的苦日子。成日都怕經濟環境轉差，記起以前大都數工做唔長，人工低。加上自己個時又未讀完大學，找到份叫合理嘅工的條件都達唔到，雖然當時沒有埋怨任何人，但自己成鬼日都悶悶不樂。到依家都覺得過去十年都失落的，依家好多時都想如何補番過去的時光，又防備如果果段差日子重來，要有能力去應付。(沙士其間，工作機會最多是教書，所以我讀多些書增加學歴，就算經濟差失業都可以去教書嘛。)感情方面，都仲係咁，無話可說。唉…
都想搞大組活動，連傳道人都贊成，話會對我們有益。但我成日覺得，一係就忙工作及學業、一係要二人世界、一係愛人唔去自己又唔去、一係寧可再搞其他活動而唔黎。小廚面皮薄，唔多想食檸檬。所以從不要求人，俗語云：佢要去死，唔通唔畀佢死咩！我就放棄呢個諗頭，只好私底下搞活動好了….
唔知點解，就依家個理財Plan，可以夠年老一個人的開支，但感覺上要轉變一下，昨晚講員的提議，係我其實想去試的理財方式，如果中期目標要加快完成，的確用更大膽的方法。我諗，係時候由呢度開始改變了。自己的信心太少了嗎？周融的書名確係一個好提醒！