強記小廚’s 飯堂

三月 21, 2010

鋼線上行走的Architect

Filed under: 技術分享 — - @ 11:10 下午

一提起架構師,好多人都係諗做地盤既土木工程師。正如起樓一樣,編寫一個軟件或者起個系統,都係要有個穩陣框架,同埋有個堅固地基(base)。咁樣出黎個產品先至噤用穩妥,所以好多做到程式設計師由剛入行去到架構師呢個位,無番六七年以上都未必做得到。而且,對於中小企黎講,呢個位好多時已經係公司裏技術職位中最高位了,再上都是處理業務多過技術工作的了。
開發C++工具的Borland公司的資深技術顧問-李維先生曾提過一個架構師的特質:
1.掌握核心軟件技術;
2.了解產品特性;
3.了解軟件趨勢; 和
4.具備創新技巧
因為架構師要做技術又要懂業務,具開發新技術的遠見又要體貼用戶能夠兼容過去軟件。偏重一邊都會令自己跌得粉身碎骨,因此架構師真係一個走鋼線的人。
好似我以前做技術時一樣,成日遇到網站死咗。果客一定即時打黎投訴,原來先知係Tomcat出問題。
tomcat太舊版本,未必處理得到太多登入資料。咁就我地諗咗幾個方案,但各有風險。因此我决定新網站要係新tomcat上執行,現行的繼續,下架的就立刻删走。再安排某時段逐個搬走,做到神不知鬼不覺。
睇黎無乜特別,但係如果個糸統係十年架構,好多人用咗唔知乜嘅coding或方法寫入系統。分分鐘一動就成個系統冧樓咁冧落黎,咪話畀人投訴,可能連起返佢都有問題。因此,果個架構師要做咗好耐既系統工程師先至能夠勝任。
所以,我認為香港揾個架構師唔易,因為試問一個程式設計師,點會做一間公司超過八年唔走,又唔升上做管理人。仲朝夕相對個系統又唔悶架?!

廣告

2 則迴響 »

  1. hi, 係跌吉度有人post你條link,我就擔粗粗咁走入嚟睇。

    我睇哂你所有嘅文章,約略都知你嘅仕途一開始唔係咁平坦,坦白點講句係差添!不過你都可以置之死地而後生,恭喜!

    客氣說話唔講咁多,其實留言係想問你自己仕途嘅問題,因為你所經歷嘅比一般人多,而且你又係it界打滾左咁耐,應該可以比到d深入/獨特嘅見解,希望你可以講出你嘅睇法,無論好定壞都好,都想有位前輩可以點下小弟呢個牛皮燈籠,謝謝!

    小弟零五畢業,ust ee,不過唔係專係電子,反而偏向information 同 comm 個邊;之後入左間細公司度做p仔,寫smart-phone app 同 ui 嘅改良。做左年零到,就轉左去另一間公司做se,公司嘅產品係d hand-held device (bar-code scanner, remote control)咁,初時做翻上間公司差唔多嘅嘢,做做下連firmware, driver 都要做埋(coding)。好啦,兩年後,再轉另一間做機頂盒嘅,in 時其實話咩都會做(ui, system, voice coding咁),但做做下都係做ui,不過今次用另一種code (java, 係之前不嬲都係用c/c++/c#), 同埋唔同os咁lor,其實個性質可以講係大同小異;亦都因為係咁,上年年尾再轉,因為公司係mnc,有自己嘅system,而自己想搵d可以做system嘅工啦,諗住無死啦,誰不知,入到嚟都係做ui;好阿q咁諗:可能上司諗住習慣下公司個system,到左review時再細問下,我呢個位其實係做ui居多,反而自己想做嘅system就無,個下個人真係好shock。

    呢件事都係發生左半個月,兩個星期以嚟都不斷咁去諗自己嘅將來係點;一嚟自己唔係話好專(淨係識c/c++/c#/java, 你之前話好賺錢嘅asp.net等我就唔識;再加上係web programming 同database 方面真係一張白紙,code 可以自學,但只有劍法而無內功(經驗)),所以不嬲搵工都好難搵到條件好兼有機會比自己學唔同嘢, 一係條件付合但做嘅嘢離不開之前做開嘅。

    你可能覺得我好天真啦,魚與熊掌都要,要求高不特止,又唔係比心機去進修自己(其實有呢個心,但實在太多太多嘢去學,尤其係it界入邊,拖下拖下就咁啦);份人就好唔定,份份工做唔長過兩年,你話份resume幾咁難睇!

    而家面對同煩緊嘅係我仲應唔應該待在而家個位呢?若果離開,首先點去確定下一份工作唔會發生相同嘅事呢?再者,本來份難睇嘅resume 更加難睇,剛做夠三個月唔夠就走人,我係hr或者大老闆都會質疑呢位年輕人嘅穩定性,驚請得佢嚟一個屈尾十走左,浪費左公司嘅資源。另一方面,自己性格鐘意新鮮感,若果留係現工作,做嘅嘢叫做手辦眼見咁lor,所以會無心機做嘢,咁公司嘅project進度會慢左,對雙方都唔好。

    本身都有問同輩嘅意見(前輩就無乜),佢地有d就認為做住先(難為左公司同我),有d就認為quit左佢(但有$$ 同前途去向問題),而自己又係個d 深山住嘅人,好少同人social,朋友嚟嚟去去都係個幾個,話知心又唔係,大家又唔係同行,所以我覺得佢地嘅意見點都係好大路個隻咁lor。

    我真係好辛苦,拉開嚟睇,得兩條路,一係做,一係唔做;但係每個選擇入邊都有我要顧慮嘅地方!屋企人叫我唔好諗咁多(阿媽就係咁,不過佢都係擔心我諗得太多者),但係唔趁而家仲後生諗清楚前路,好似前幾年咁無諗清楚下一個決定,到我三十以後我一定會後悔!

    講左咁多,希望你仲挨得住啦,想問嘅係你個人對我,對呢個事嘅睇法;比著係你,你遇到咁嘅情況會點去選擇,又或者以咩去衡量?

    比多d資料,我仲係做緊寫code,junior!自己當嘅career path其實係想學小廚兄你咁去到d management 嘅中高層!當然呢個係model 嚟,你最新個篇都講到原來寫code 都可以去到專嘅職位,同d pm 平起平坐!

    迴響 由 Jay — 三月 24, 2010 @ 4:29 下午

  2. 多謝你嘅回應,我喜歡係Blog跟朋友分享下,好過係跌吉裡跟人鬥嘴。
    的確如你所說,我起步不順利。到依家我都認哂命,試問一個大學肆業回來,剛好IT爆破剛兩年,揾間IT公司請人都難,仲要之後遇箸沙士。唔死得已經好彩…俱往矣,人生還是要走落去,係咪?
    你嘅前途意向,我覺得自己無資格畀到乜野意見你。但係,我可以咁講,做嘢係唔單只攞份糧,仲要吸取經驗。好多時我地單單只想到攞自己想做嘅嘢的工作經驗,但係好多時候會不知不覺學到其他嘢。
    以我自己為例,我起初都唔係想做mobile,連電腦雜誌講手機嘅我都skip咗唔睇。但不單做mobile content,仲做到自己識得多過台入面嘅技術人員添!我都曾經轉工做硬件野(呢個先至我最想做呢~)但依家都做番mobile。原因…只可以話以前所學到嘅嘢,好似成為我技能嘅一部份。我覺得做呢行又好玩,唔做咪哂咗我既學識。所以都入番呢行,依家都因老闆知我具資歷,都放手畀我發揮。
    另一方面,古語有云:三十而立。好多人三十歲先至開始醒覺,你已經比較早醒覺了。如果要轉行,還有本錢。我都係做咗三年mobile,都就黎三張嘢才轉行做硬體,再轉番過黎。可能有人覺得哂時間,但只要係過程中體會得到行業發展、技術、跟上司老闆客戶處事等等,其實一啲都唔哂!呢啲事係無人教、讀書無得讀識,係要經歴過先至明白,令你更加懂得走要想行的道路。唔係後生時去學識佢,難道結婚生仔後先再去實行?
    希望畀到你少少啟發,每個人的路,係自己行出黎。只要你想想老咗之後有人問你有無後悔嘅時候,你唔覺後悔無做就可了。

    迴響 由 強記小廚 — 三月 26, 2010 @ 12:26 上午


RSS feed for comments on this post. TrackBack URI

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

在 WordPress.com 建立免費網站或網誌.

%d 位部落客按了讚: