強記小廚’s 飯堂

四月 30, 2012

一個用戶的科技史(一)

Filed under: 生活點滴, 校園體驗 — - @ 10:13 下午

最近買咗部新Notebook電腦,真係輕到連歲零的小女孩都可以拿起轉黎轉去。(最擔心不是小女孩或我,而是小女孩嘅父母)功能及物料質素之高也是比較良好,就算拎出街去coffee shop用wifi都較方便。
回想起多年之前入大學,在外國住係親戚屋企,都只係用大機(Desktop)。上網也會用modem,當佔線時,也只求不要打電話黎,因為會斷線的。有次回港過暑假,覺得霸住親戚的電腦好唔方便人,又要用部腦全天候做功課。因此要回大學之前買部手提電腦去用。去咗黃金高登轉咗一個圈,決定買部乳牛盒牌All-in-one手提電腦。當時如果連埋個火牛及多隻CD放入電腦袋,真係重到舉啞鈴咁上機。但以前已經覺得好型好方便的了,因為我的身邊同學,係會抬部大機上飛機運去的……
但係,上網就煩了。因為我房間係下層,又要電話線係大廳。於是去電腦店買咗超長的cable,由廳沿牆邊放到落樓梯再穿入我間房,真係大工程到暈。如果唔係吓吓用電郵及玩ICQ,真係唔要咁上網。
以前有網吧,但唔多亦唔方便,於是上網大多在家或在大學裏。大學啲機慢不在話,更有多人常常霸住用。所以唔多係度用,除非做group project。大家玩的主要是聊天網站及ICQ,雖然功能有限,但可以同遠在海外的親友溝通,係非常正的經歷了。好似跟在美國的老同學係九一一翌日聯絡上報平安,開始知道高科技係能夠幫到人的工具,感覺自己選擇修讀電腦科學是對的。
依家諗番以前科技還在發展,沙石不少。但畢竟係當時黎講,好過再之前的留學生寫信、打字機及電話通訊了。依家科技發達及方便,真係好多工程師及設計家不斷創新科技而出現。所以今日自己成為工程人員,也努力為人們未來生活改善而努力。
“工欲善其事,必先利其器”,買部貴啲嘅工具做嘢,都係好事黎嘅。
p.s.講起工具,下次會講吓讀書時所學到的當時技術,會分析及懷念一些不錯的工具~

五月 9, 2010

讀個IT碩士為乜先?!

Filed under: 職業教育, 校園體驗 — - @ 9:26 下午

呢排討論區都好興問讀電腦科學碩士既問題,真係唔知係咪同一個人!因為呢個問題有不少新手去問,但點解唔係同一個topic去問?佢地係咪唔識用forum?
如果唔識用,咁閣下唔駛讀乜鬼IT科Master囉~因為呢啲課程唔會教用forum,讀用你都唔會成為IT人〔或者自己都唔信自己係〕,咁不如留番啲錢同阿媽食餐勁正既自助餐,又或者去外國旅行。仲好過晒九萬蚊讀書(中大個MScITM要十萬大元添)啦。
我修咗個IT科嗰面的一科,主要係學點樣用Blog、Facebook、Twitter及Search Engine 優化去做推廣,課程得意得黎又可以聽阿Sir(佢係IT出身兼且有DBA既中小企老闆)的經驗之談。雖然唔算係好深既課程,但內容有好多啟發,令我建立到點樣為自家產品做宣傳。另外,識到啲Marketing Director同係中小企CIO既同學,真係一個擴闊人脈的機會。
敝校的IT碩士課程,有分Technical mainstream同埋business mainstream,同學可以根據自己能力修讀。其實學唔學到野係睇自己,係有本事,讀乜都可以有前途,無興趣,讀完醫科律師都轉行。
當然,好多科讀完得個讀字。例如我讀完都無得考牌,不過有牌考亦唔等如揾得多。因為主要係學理論居多,計數都多,但落手落腳做產品就無咁既機會lu~我諗我讀完都係教書就可,轉行就晒氣了…
講番正題,如果報IT Master又唔係技術個邊,讀完真係無乜可能做好high-tech嘅工作,只係令你懂得好多技術應用知識。但技術mainstream又可能唔夠數學底,亦好大機會無力勝任大啲既項目技術,咁係咪好值得讀呢?
錢多不如捐助有需要的人,自私啲既話,去食去玩左用掉就算,無謂日後攞到張證書就上forum呻笨~

四月 25, 2010

回想‧這是天父世界

Filed under: 校園體驗, 信仰心得 — - @ 11:30 下午

真係好忙,連功課考試一齊殺埋黎,加埋老闆要讓新項目上馬,真係好令人分身不暇。
本來以前做野同考試一齊都慣哂,預早完成功課同温習都好正常。只因今個sem讀一科,同埋呢科好似無太多理論要記。咁就無乜點温,但自從呢兩日睇番啲notes,先知咁多數據資料。真係又要臨急抱佛腳了~
雖然咁忙,去到圖書館除左温習,就係睇下有乜新書。睇到楊牧谷嘅新版舊作:這是天父世界-創造論初探,令我想起零壹年楊牧來到澳洲雪梨講道,真係好難得,亦令我真係可以見其真人。加上我的導師係楊牧師任教中大時的學生,我都算係佢徒孫!可惜楊牧師個次講道之後一年就病逝,算係神畀我可以真係學其寫文演講的機會吧。
講返本書,其實並唔係回應科學界進化論的挑戰而出現呢個新名詞。反之,係講解返人要睇番神的創造,先能從中修正我們人類扭曲咗既世界觀。使我們對神的作為及處世有正確的睇法。特別係受到大地震破壞生活的國內同胞,好畀我們重新反思自己對生命的看法,對大自然看到自己有無對其不負責任而受到強烈不安。睇番呢本書,係重整自己心靈既一個好方法。
希望就算呢排好忙,也能抽空睇到呢本書啦!

十一月 22, 2009

以有涯隨無涯,笨矣。

Filed under: 技術分享, 校園體驗 — - @ 11:21 下午

小廚從前係大學讀書嘅時候,對大學教授既工作甚為羨慕。因為佢地大學教下書,可以選擇自己要教嘅時段。做研究,有人畀錢做自己想做既科研,又可以無時無刻諗野。加上有地位同埋人工好高,所以係我之前既志願。可惜,進入學術界要具有撰寫論文既能力。由其是去到博士級既論文,要發掘出創新理論或新現象,更顯呢行飯都唔易食。
第一個麻煩嘅係揾題目。知識的海洋浩瀚無邊,如何找到自己歸宿,其實都離不開“興趣”兩個字。有位化學家也因為被一位留學生所推介,開始接觸漢學,之後更完成好幾本講有關中國數千年既科技文明。佢就係李約瑟——中國文明科學史。咁樣就造就了漢學家之人才了。做個學術的研究,成果都是以文字作為傳遞的媒介。無呢個傳統表達的形式,正係學者,同埋我地呢啲無乜學歷既人物要得到大學畢業文憑,也必須係用文字發揮自己研究成果的。
所以文字上的操練也是必須的,有題材而不能好好寫文章,亦不能畀讀者明白你講乜。咁就大件事了,所以文章點寫就睇有無人ban咗你,ban 你就唔好做嘢!?
大學教授的確係好工一份,但無錢再讀上去,自己一個人努力有限。希望有時間去鑽研咁既工作吧。

十月 11, 2009

友緣相遇

Filed under: 生活點滴, 校園體驗 — - @ 9:20 下午

呢排因為交group project,結識左一班同學,其實都係我黎讀書的一大原因。希望交到更多朋友,不是要利用(就是說善用友誼的我都唔鐘意),而係每個人背後的故事,都令我相信天父係他們人生方向是獨特而有意思。佢地大多做銷售,可能電腦知識不多。讀IS的多數文商科的人,所有野都好基本。所以,我嘅成績較佳。
但要pesentation就真係靠佢地啦,我頂多提供多一些技術性解釋及paperwork。係當中都好忙,有同學要捱更扺夜,但終於搞。可以專注做獨腳戲的EIE511 Lab report,唉!
除左學業上有人相助,事業上都唔錯。公司雖然我和同事間無乜溝通,但同事都好好人,好肯幫手。另外,現在拍檔都幾合拍,當然因為我地真係曾經合作無間地打過不同硬仗。我相信能夠有幸同佢地合作,係神另一安排。只是我地要比以前打更難的仗,我擔心仲得唔得!?唔…應該學主日講見證的劉國堅所講:唔好理啦,做好準備交畀神喇。
教會的弟兄姊妹,始終像同路人首歌一句,係靈命路途上的伙伴。能夠有幸相遇,都算係神冥冥中的安排。不論係誰,大家都係我憂傷時的同伴,對嗎?
當然,對我而言,不用多,有佢一個,就夠了。咁悶嘅戲,都同我去睇。應該都無乜人架囉。

五月 31, 2009

自由有時未必最重要

Filed under: 職業教育, 校園體驗 — - @ 10:41 下午

理大找到唐偉章接任潘宗光做新一任校長。真係唔到你唔信,小廚以前留學,又係剛好遇上校長交替。新官上場,除左講下佢高興被邀請出任新職外,也會講下遠景。但敝母校校長最後留給大學的,只有一大笑柄而已。

Rory Hume由零二年頭就接替John Niland 為大學校長,由大學董事會至到大學同學會,都相信佢會將係美國的教學風格(佢之前任職美國UCLA牙科學院院長),為大學注入新元素,繼續秉承大學破舊立新的傳統。但佢係處理Bruce Hall事件中,站在一個注定失敗的立場,令佢失望離場。

2001年,Bruce Hall教授被指在醫學研究上造假,受到其實驗室四位職員及博士生的舉報。UNSW的內部調查否認了全部指控,但由澳洲最高法院前首席法官和牛津大學、悉尼大學、澳洲國立大學等權威人士組成的外部調查團卻證實了12項造假的指控。

2003年12月聖誕節前夕,當時校長Rory Hume親自出面保護Bruce Hall,為學術醜聞辯解。校內則出現了強烈反對的聲音,認為此事讓學校的研究聲譽嚴重受損。為左繼續支持Bruce Hall的研究是正確,竟向外間聲稱當時國內的諾貝爾獎得獎者Peter Doherty都認同Bruce Hall的研究。但係翌日,Peter Doherty接受ABC電台的訪問,否認向Rory Hume講過此言論,並且要求佢向大眾交代。跟住大班學生老師示威表達對校長的不滿,董事局也不停向佢施壓,2004年4月,Rory Hume無法頂住校內的反對呼聲,以無法再與校內議會合作為理由而辭職。Rory Hume下臺後校內議會確認了外部調查團的報告。

當一些學界敗類係假借學術自由的黃金盾牌來做一些自利的事情,身為一校之長,不是給予放任,而是分析後作決定。因為要把持的,是比學術自由更大的學術聲譽。

唐偉章博士曾經係喬治華盛頓大學任工程學院院長的時候,將一名工作表現差勁的學者辭退。顯示出重視學術聲譽的比學術自由更多,這辦事態度,以佢接任此職位,合格!

十一月 17, 2008

開始混亂

Filed under: 職業教育, 校園體驗 — - @ 4:58 上午

呢個禮拜開始上課嘞,但都面對兩大難題!第一課就對位要求好高嘅教授,因為呢科係同數位信號有關,要用幾多數學去到研究。但小廚底子差,未必應付得黎,加上教授要求我地學生唔好太遲返到,否則聽少好多會追唔上。但佢講課唔錯,好多時用心機講明套理論。雖然多功課及測驗,但咁樣可以多些揾到自己唔識地方,從而改善。
另一課就係學模式分類,其實係學人工智能中嘅物件辨析。之前險些死在之前課中,現在雖然有些認識,但今次的教授講課一般,佢又係訪問學者,根本不雖理會我們生死與否。係呢兩課中,我想左(或掙扎左)好耐,先至決定踢走後者科目。
但另一個問題,係選多科目,但其他主科一係無開,一係又無興趣。因此我決定修讀副修科目代替,雖然打斷左我個計劃,但點都好過一個學期讀一科吖!我就選左資訊糸統入門,哈哈~騙學分得黎,又去識女仔。但今次又欠一堂無上,唉~
************************************************************************************************************

今日係堂慶,但唔知點解,好似少左些熱鬧氣氛。但都係值得慶祝的,特別係教會網站啟動禮,都係幾高興,只因我有機會加入教會IT小組。與有榮焉!
然後,係我地小組聚會。今次都算幾人齊,如果次次小組開組都咁齊人,下年就會被分開兩組了。
之後,我就去左圖書館睇書。找到臺灣"天下雜誌"出版嘅<<競爭實力>>,呢本書係介紹臺灣的大學如何係人才培訓以及點樣跟世界各大專爭奪人材。佢係講到香港個部份,原來我地大學生的金頜資助係中港臺之冠。亞洲區香港大學只比東京大學少左。其實我地成日以為香港嘅大學不及其他國家好,通街大學生,原來本地大專生(大學畢業生+副學位+文憑畢業生)只有百零萬人口,但臺灣卻有44%人口是大專學歷。作者認為香港的大學嘅普及教育化,比較臺灣還是精英制。
難怪政府要輸入外地專才啦!不過,香港人無臺灣人咁祟尚文憑,否則,我就真係學無止境了。

在 WordPress.com 建立免費網站或網誌.